23 ноя 17:22
Янгиликлар

Кураш

Белбоғли кураш. Эртага Қўрғонтепада очиқ турнир ўтказилади

Эртага, 24 ноябрь куни Андижон вилояти Қўрғонтепа тумани марказидаги аҳоли дам олиш истироҳат боғидаги махсус кураш аренасида белбоғли кураш бўйича Андижон вилоят ҳокими соврини учун Республика очиқ турнири ўтказилади.

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги ушбу очиқ турнирда Қорақалпоғистон Республикаси, Тошкент шаҳри ва вилоятлар, қўшни Тожикистон ҳамда Қирғизистон Республикаларидан бир юз эллик нафарга яқин номдор полвонларнинг иштирок этиши кутилмоқда.

Мазкур Республика очиқ турнирида эркаклар -73, -90 ва +90 кг вазн тоифаларида беллашишади. Эртанги мусобақа юқори савияда ўтиши учун вилоят ҳокимлиги, вилоят жисмоний тарбия ва спорт бошқармаси, вилоят белбоғли кураш федерацияси, Қўрғонтепа туман ҳокимлиги томонидан қизғин тайёргарлик кўрилган.