Белбоғли кураш. Фарғонада катталар ўртасида Ўзбекистон чемпионати ўтказилмоқда

Ўзбекистон Республикаси жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 200 нафарга яқин полвонлар иштирок этишмоқда.

Ушбу мусобақада дастлаб, очилиш маросими ташкил этилди.

Табрик учун сўз олганлар юртимизда кейинги йилларда жисмоний тарбия ва спортга, хусусан, спортнинг аҳоли орасида оммавийлигини таъминлашга қаратилаётган ишларга алоҳида эътибор қаратилаётгани ҳақида таъкидлаб, иштирокчиларга мусобақаларда муваффақият қозонишида омад тилашди.

Шу тариқа катталар ўртасидаги мазкур чемпионатга старт берилди.

Таъкидлаш жоиз, ушбу беллашувларда эркаклар белбоғли курашнинг эркин ва классик йўналишларида 8 та вазн тоифасида ўзаро куч синашишаётган бўлса, аёллар эркин йўналишда 7 та вазнда ғолиблик учун кураш олиб боришмоқда.  

Илҳом РАҲМОНОВ тайёрлади