Белбоғли кураш. Жиззахда Ўзбекистон Кубоги ўтказилди

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур Ўзбекистон кубогида Қорақалпоғистон Республикаси, Тошкент шаҳри ва вилоятлардан юз нафардан ортиқ полвонлар белбоғли курашнинг классик йўналишида -55, -60, -66, -73, -81, -90, -100 ва +100 кг. вазн тоифаларида ғолиблик учун куч синашишди. 

Таъкидлаш лозим, мазкур кубок баҳсларида Жиззах вилояти ҳокимлиги, вилоят прокуратураси томонидан кўрсатилган ташаббус ва рағбат мусобақанинг юқори савияда, шиддатли ва муросасиз ўтишини таъминлади. 

Ўзбекистон кубоги ғолиблари:

-55 кг. Диёрхўжа Мўйдинов (Фарғона)

-60 кг. Ҳусан Носиров (Андижон)

-66 кг. Жасурбек Сотиволдиев (Фарғона)

-73 кг. Сардорбек Мадаминов (Андижон)

-81 кг. Ҳусниддин Рўзиев (Жиззах)

-90 кг. Муҳаммадмаҳмуд Ашуров (Андижон)

-100 кг. Аъзамжон Анваржонов (Жиззах)

+100 кг. Шерзод Раҳимов (Фарғона)

Мусобақа якунига етгач, тақдирлаш маросими ташкил этилди. Кучли учликдан жой олган спортчилар ташкилотчилар томонидан медаль, диплом ва қимматбаҳо эсдалик совғалари билан тақдирланишди.  

Илҳом РАҲМОНОВ тайёрлади