Белбоғли кураш. Жиззахда Ўзбекистон Кубогига старт берилди

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур Ўзбекистон кубогида Қорақалпоғистон Республикаси, Тошкент шаҳри ва вилоятлардан юз нафардан ортиқ полвонлар -55, -60, -66, -73, -81, -90, -100 ва +100 кг. вазн тоифаларида куч синашишмоқда. Мусобақа доирасида шунингдек, куннинг биринчи яримида тантанали очилиш маросими ҳам ташкил этилди. 

Тошкентбой ЯХШИБОЕВ, Ўзбекистон белблоғли кураш федерацияси ҳакамлар ҳайъати раиси:

- Ҳар қандай беллашувнинг муносиб тарзда, муросасиз  ўтишида ҳакамлар томонидан спортичиларнинг ҳар бир ҳаракатларини тўғри баҳолаб бориш ўта муҳим саналади. Ишонч билан айтишим мумкинки, ушбу мусобақада ҳам эътирозларсиз, одиллик тамойиллари асосида ўтади. Шунингдек, федерациямиз кенгаши томонидан мусобақада терма жамоамиз учун номзодларни аниқлаб боряпмиз.

Беллашувлар якунига етгач, мусобақа жараёнлари билан тўлиқ танишишингиз мумкин.

Илҳом РАҲМОНОВ тайёрлади