Белбоғли кураш. Наманганда Ўзбекистон чемпионати бошланди

Ўзбекистон Республикаси жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур чемпионатда Қорақалпоғистон Республикаси,Тошкент шаҳри ва барча вилоятлардан 300 нафарга яқин ёш полвонлар иштирок этишмоқда. 

Мамлакат чемпионатида ўғил болалар белбоғли курашнинг эркин ва классик усулларида ўнта вазн тоифасида, қизлар эркин йўналишда еттита вазн тоифасида ғолибликучун кураш тушишмоқда. Шунингдек, мусобақа доирасида чемпионатнинг тантанали очилиш маросими ҳам ташкил этилди. 

Маросимда Наманган туман ҳокими Садриддин Мўминов, Наманган вилоят жисмоний тарбия ва спорт бошқармаси бошлиғи Шокиржон Қорабоев, Ўзбекистон белбоғли кураш федерацияси бош котиби Абдихалил Маликов, белбоғли кураш бўйича терма жамоа бош мураббиий Аъзамжон Шокиржонов, Наманган вилоят белбоғли кураш федерацияси бош мураббиий Неъматулло Тўйчиев сўзга чиқишди. 

Улар мамлакатимизда жисмоний тарбия ва спортга қаратилаётган юксак эътибор боис, ёшларимизнинг халқаро спорт ареналаридаги салмоқли натижалари хусусида алоҳида тўхталишар экан, мусобақада иштирок этаётган ёш спортчиларнинг ҳам кун келиб жаҳон чемпионатлари, олимпия ўйинларида Юрт шаъни учун бор маҳоратларини намойиш этиб, ғолибликни тантана қилишларига ишонч билдирди. 

Шундан сўнг Наманган туман жисмоний тарбия ва спорт бўлими, болалар ва ўсмирлар спорт мактаби ташаббуси билан спортчи жамоаларнинг кўргазмали чиқишлари, очилиш маросимига янаям кўтарингкилик бағишлади. Мусобақа 20 октябрга қадар давом этади.

Илҳом РАҲМОНОВ, ўз мухбиримиз