Белбоғли кураш. Полвонларимизнинг Нур-Султондаги муваффақияти + ФОТО

Йигирмадан ортиқ давлатдан 200 нафарга яқин спортчилар иштирокидаги ушбу жаҳон чемпионатида ўғил болалар -57, -62, -68, -75, -82, -90, -100 ва +100 кг. вазн тоифаларида, қизлар эса -48, -52, -58, -66, -76 ҳамда +76 кг. вазн тоифаларида ғолиблик учун беллашишди. 

Қувонарлиси, Ўзбекистон белбоғли кураш федерацияси раиси, халқаро белбоғли кураш федерацияси (IBWA)нинг вице-президенти Равшан Дастиров (делегация раҳбари), белбоғли кураш бўйича миллий терма жамоа бош мураббийи Усмонжон Маҳаматов бошчилигидаги полвонларимиз мазкур жаҳон чемпионатида битта олтин, иккита кумуш ва еттита бронза медалларни қўлга киритиб, кучлилар қаторидан муносиб жой олишди. 

Ғолиб ва совриндорлар: 

Олтин медаль

48 кг. Бибигавхар Полатбаева (Қорақалпоғистон)

Кумуш медаль

+76 кг. Насиба Абдалова (Қорақалпоғистон)

-68 кг. Холмирза Ҳасанбоев (Тошкент)

Бронза медаль

-62 кг. Мухторжон Аҳмаджонов (Наманган)

-66 кг. Шоира Қаландарова (Хоразм)

-68 кг. Анварбек Раҳимов  (Бухоро)

-75 кг. Сардорбек Мадаминов (Андижон)

-82 кг. Зиёдилла Турсунбоев (Наманган)

-100 кг. Нодирбек Аҳатжонов (Тошкент)

+100 кг. Санжар Турсуналиев (Тошкент в.)

Илҳом РАҲМОНОВ тайёрлади