Белбоғли кураш. Қўқонда Президент соврини учун Жаҳон чемпионати бошланди ФОТОРЕПОРТАЖ

Дунё биринчилигида Россия, Мўғулистон, Озарбайжон, Беларусь, Исроил, Грузия, Ҳиндистон, Молдова, Руминия, Қозоғистон, Қирғизистон, Тожикистон каби дунёнинг 20 га яқин давлатидан 300 нафардан зиёд полвонлар иштирок этяпти.

Мусобақа Ўзбекистон Республикаси спортни ривожлантириш вазирлиги, Жаҳон белбоғли кураш ассоциацияси (ЖБКА), Фарғона вилояти ҳокимлиги, Фарғона вилояти прократураси, Ўзбекистон Миллий олимпия қўмитаси, Ўзбекистон белбоғли кураш федерацияси ҳамда қатор вазирлик ва ташкилотлар кўмагида ўтказилмоқда.

Жаҳон чемпионатида белбоғли кураш қоидаларига кўра, белбоғли кураш бўйича ўғил болалар - 42,  -45, -50, -55, -60, -65, -71, -77 , -85, -95, +95 кг. вазн тоифаларида куч синашишса, қизлар  - 44,  -48, -52, -57, -63, -70, +70 кг. вазнларда ғолиблик учун баҳс олиб боришади.

Маълумот учун, “Қўқон ва спорт” шиори остида ўтадиган жаҳон чемпионатининг умумий мукофот жамғармаси 216 000 000 сўмни ташкил этади.

Алимурод МАМАДАМИНОВ, Илҳом РАҲМОНОВ, ўз мухбирларимиз (Қўқон шаҳридан махсус)