Белбоғли кураш. Қўрғонтепада очиқ турнир ўтказилди + ФОТО

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги ушбу очиқ турнирда Қорақалпоғистон Республикаси, Тошкент шаҳри ва вилоятлар, қўшни Қирғизистон Республикаларидан бир юз эллик нафарга яқин номдор полвонлар иштирок этишди. 

Мазкур Республика очиқ турнирида эркаклар -73, -90 ва +90 кг. вазн тоифаларида беллашишди. Мусобақанинг юқори савияда ўтиши учун вилоят ҳокимлиги, вилоят жисмоний тарбия ва спорт бошқармаси, вилоят белбоғли кураш федерацияси, Қўрғонтепа туман ҳокимлиги томонидан қизғин тайёргарлик кўрилгани боис, беш минг ўринли арена белбоғли кураш мухлислари билан тўлиб тошди. 

Чин маънода спорт байрамига айланган мусобақада асосан водий вилоятларининг кўзга кўринган, номдор полвонлари бош совринларга даъвогарлик қилишди. Гарчи, шу куни ҳарорат пасайиб, совуқ об-ҳаво ҳукмронлик қилишига қарамай, аренага ҳатто сиғмай кетган белбоғли кураш шайдолари полвонларни олқишлашдан тўхтамади. Алп келбатли полвонлар эса ғолибликни тантана қилиб, ташкилотчилар ва ҳомийларнинг қимматбаҳо совринларига эга бўлаверишди.   

Ғолиб ва совриндорлар:

-73 кг вазн тоифаси

1. Илҳомжон Машрабов (Андижон)

2. Сардор Мадаминов (Андижон)

3. Рўзиохун Рўзиохунов (Андижон)

3. Муроджон Ҳамидов (Наманган)

-90 кг вазн тоифаси

1. Нодирбек Аҳаджонов (Андижон)

2. Ҳусниддин Рўзиев (Андижон)

3. Махсим Турғунбоев (Андижон)

3. Муҳаммадашур Аширов (Андижон)

+90 кг. вазн тоифаси

1. Зоҳид Исмоилов (Фарғона)

2. Шерзод Раҳимов (Фарғона)

3. Обидали Мавлонов (Фарғона)

3. Даврон Абдураҳмонов (Фарғона)

Беллашувлар якунига етгач, тақдирлаш маросми бўлиб ўтди. Ғолиб ва совриндорлар диплом, медаль ва қимматбаҳо эсдалик совғалари билан мукофотланишди. Турнирда Андижон вилояти ҳокими Шуҳрат Абдураҳмонов иштирок этди.

Илҳом РАҲМОНОВ, ўз мухбиримиз