Белбоғли кураш. Қўрғонтепада Ўзбекистон чемпионати ўтказилди

Ўзбекистон Республикаси Туризм ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 300 нафардан ортиқ ёш полвонлар иштирок этишди.

Юқори савияда ташкил этилган ушбу мамлакат чемпионатида ўғил болалар белбоғли курашнинг эркин ва классик йўналишларида 10 та вазн тоифасида, қизлар эса эркин йўналишда 7 та вазнда ғолиблик учун кураш олиб боришди.

Шунингдек, мусобақа доирасида тантанали очилиш маросими ҳам ташкил этилди. Очилиш маросимида Ўзбекистон белбоғли кураш федерацияси раиси Равшан Дастиров иштирок этиб, спортчиларга омад тилади.

Муросасиз ўтган беллашувларнинг якуний натижаларига кўра, қуйдаги полвонлар ўз вазн тоифаларида рақибларидан устун келиб,  ғолибликни тантана қилишди.

Ўғил болалар (классик йўналиш)

45 кг. – Ҳабибжон Абдурашидов (Тошкент ш.)

50 кг. – Абдумалик Дилшодбеков (Андижон)

55 кг. – Акбар Убайдуллаев (Фарғона)

60 кг. – Одилхон Пазлиддинов (Наманган)

65 кг. – Илёсбек Сотволдиев (Фарғона)

71 кг. – Самандар Анваров (Фарғона)

77 кг. – Фарёзбек Қосимов (Фарғона)

85 кг. – Имомали Толипов (Фарғона)

95 кг. – Илёсбек Мирзахматов (Наманган)

-95 кг. – Мухриддин Маҳмуджонов (Наманган)

Қизлар (эркин йўналиш)

44 кг. – Феруза Собирова (Наманган)

48 кг. – Албена Алламбергенова (Қорақалпоғистон)

52 кг. – Дилдора Исроилова (Наманган)

57 кг. – Захрохон Маҳмудова (Фарғона)

63 кг. – Севара Шаженова (Қорақалпоғистон)

70 кг. – Мадина Қахрамонова (Андижон)

+70 кг. – Шириной Юлдошева (Наманган)

Ўғил болалар (эркин йўналиш)

45 кг. – Жасур Нишонов (Андижон)

50 кг. – Жумабой Амиров (Навоий)

55 кг. – Асадбек Жалилов (Фарғона)

60 кг. – Диёр Полвонбоев (Фарғона)

65 кг. – Бек Комилов (Андижон)

71 кг. – Мирзажон Мирзажонов (Наманган)

77 кг. – Самандар Абдусаломов (Наманган)

85 кг. – Диёрбек Ахмадалиев (Андижон)

95 кг. – Анвар Хўжамуродов (Наманган)

+95 кг. – Шохруҳ Шорустамов (Тошкент в.)

Ғолиб ва совриндорлар мусобақа ташкилотчилари томонидан диплом, медаль ва эсдалик совғалари билан мукофотланишди.

Илҳом РАҲМОНОВ тайёрлади