19 июн 18:21
Янгиликлар

Кураш

Белбоғли кураш. Қўрғонтепада Ўзбекистон чемпионати ўтказилмоқда + ФОТО

Бугун Андижон вилоятининг Қўрғонтепа туманида белбоғли кураш бўйича 2004-2005 йилларда туғилган ўғил болалар ва қизлар ўртасида Ўзбекистон чемпионатига старт берилди.

Ўзбекистон Республикаси Туризм ва спорт вазирлиги ҳамда Ўзбекистон белбоғли кураш федерациясининг йиллик-тақвим режасидаги мазкур чемпионатда мамлакатимизнинг барча ҳудудларидан 300 нафардан ортиқ ёш полвонлар иштирок этмоқда.

Юқори савияда ташкил этилган мазкур мамлакат чемпионатида ўғил болалар белбоғли курашнинг эркин ва классик йўналишларида 10 та, қизлар эса эркин йўналишда 7 та вазн тоифасида ғолиблик учун кураш олиб боришмоқда. Чемпионат 21 июнга қадар давом этади.