Белбоғли кураш расман Бутунжаҳон кўчманчилар ўйинлари дастуридан жой олди

Мазкур ўйинларида миллий спорт туримиз бўлган белбоғли кураш бўйича ҳам 17 нафар спортчиларимиз федерация раиси Равшан Дастиров бошчилигида иштирок этишди. Полвонларимиз дастлаб белбоғли кураш бўйича кўргазмали чиқишларини намойиш этишди. 

Турли кўринишда бажарилган белбоғли кураш усуллари томошабинлар олқишига сазовор бўлди. Шунингдек, вакилларимиз белбоғли кураш спорт турлари бўлмиш куреш ва алыш бўйича белгиланган вазн тоифаларида беллашишди. 

Ўттиздан ортиқ давлатлардан йиғилган полвонлар орасида курашчиларимиз 6 та олтин, 6 та кумуш ва 6 та бронза медалларини қўлга киритиб, кучлилар қаторидан жой олишга муваффақ бўлишди. 

Яна ҳам қувонарлиси, белбоғли кураш спорт тури Бутунжаҳон кўчманчилар ўйинлари дастуридан расман жой олди.

Илҳом РАҲМОНОВ тайёрлади