UZ

Сўнгги янгиликлар

20:49Қаршида Ўзбекистон кубогининг тантанали очилиш маросими бўлиб ўтди 0 20:28Дмитрий Бивол: "Ҳозир Бетербиевни унутиб туришим лозим" 0 20:07Туркманистон терма жамоаси легионери Ўзбекистонга қарши ўйнамайди 0 19:46"Ролан Гаррос". Даниэль Коллинз муваффақиятли старт олди 0 19:25Ислам Махачев: "Порье билан жангим тўлиқ давом этмайди" 0 19:04Дунёнинг 7-ракеткаси қаторасига иккинчи йил ҳам "Ролан Гаррос"ни 1-даврадаёқ тарк этди 0 18:43Анчелотти Лига 1`да 9-ўринни эгаллаган жамоани бошқариши мумкин 0 18:22Зарруҳ Адашев Хабиб Нурмагомедовга мурожаат қилди + ФОТО 0 18:01Вазирликда икки томонлама ҳамкорлик алоқалари муҳокама қилинди 0 17:40МУТОЛАА УЧУН: Бокс тарихидаги даҳшатли қайтишлар: Муҳаммад Али, Форман, Кличко, Тайсон... 0 17:19Суперлига. 10-тур учрашувларининг бошланиш вақтлари маълум 0 16:58Даниил Медведев "Ролан Гаррос"даги юришини бошлади 0 16:37Ислам Махачев UFC'нинг янги қўлқоплари ҳақида: "Энди кўпроқ қон тўкилади" 0 16:16Конор билан бир оқшомда жанг қиладиган собиқ UFC чемпионининг янги рақиби эълон қилинди 0 15:55Модрич фаолиятини якунлаши ҳақида: "Ҳали вақти келмади" 0

04 июн 11:44
Янгиликлар

Бошқалар

Белбоғли кураш. Водилда кураш бўлди, бир бошқача...

Фарғона вилояти Фарғона тумани Водил қишлоғидаги аҳоли дам олиш истироҳат боғининг “Чинор таги” деб ном олган майдонида 1 июнь – Халқаро болаларни ҳимоя қилиш куни муносабати билан катта кураш байрами бўлиб ўтди.

Белбоғли кураш ва кураш бўйича анъанавий республика очиқ турнири 1-2 июнь кунлари бўлиб ўтди ва шу қишлоқда туғилиб ўсган ҳамда мухлислар қалбидан жой олган, ўз даврининг номдор полвонларидан Ҳамид ва Темир полвонлар хотирасига бағишланди. 

Ўзбекистон Республикаси Жисмоний тарбия ва спорт вазирлиги, белбоғли кураш ва кураш федерациялари тақвим-режасидаги мазкур Очиқ турнирда мамлакатимиз ҳамда қўшни Қозоғистон, Қирғизистон ва Тожикистон Республикаларидан 200 нафарга яқин  полвонлар иштирок этишди. 

Турнирда полвонлар белбоғли кураш бўйича 55, 60, 66, 73, 81, 90, 100, +100 ва мутлоқ вазн тоифаларида, кураш бўйича эса эркаклар 66, 73, 81, 90, +90 ва мутлоқда, аёллар 52, 63 ҳамда +63 кг вазн тоифаларида беллашишди.

Дастлаб, мусобақанинг биринчи куни очилиш маросими бўлиб ўтди. Унда табрик учун сўз олган меҳмонлар йиғилганларни 1 июнь – Халқаро болаларни ҳимоя қилиш куни билан қутлаб, спортчиларга омад тилашди. Ҳамид ва Темир полвонларнинг босиб ўтган ибратли умр йўллари ҳақида тўхталиб ўтишди. 

Бадиий жамоаларнинг куй-қўшиқлари, таниқли аскиячиларниннг ичак узди ҳангомалари байрамга ўзгача кўтаринкилик бахш этди. Шунингдек, мухлислар, ота-оналар, Темир ва Ҳамид полвонларнинг оила аъзолари ҳам  турнирни ташкил этган Ўзбекистон Республикаси Жисмоний тарбия ва спорт вазирлигига, Фарғона вилояти ҳокимлиги ва вилоят жисмоний тарбия ва спорт бошқармасига, Фарғона тумани ҳокимлигига, Турсунали полвон Мамажонов ва унинг ўғли Равшан полвон Мамажоновларга ўз миннатдорчилиги билдиришди. 

Шундан сўнг, ўрнатилган иккита кураш гиламида бир вақтнинг ўзида ҳар иккала спорт тури бўйича беллашувларга старт берилди. 1 июнь куни мухлислар полвонларнинг ярим финалгача бўлган беллашувларини зўр қизиқиш билан томоша қилишди. 

Ярим финалгача бўлган беллашувларда белбоғли курашчилардан андижонлик Ҳусниддин Рўзиев, Илҳомжон Машрабов, фарғоналик Шерзод Раҳимов, Ислом Қўлдошев, Муҳаммадали Мамажонов, пойтахтлик Зайлобиддин Ортиқов, курашчилардан Жонибек Қозоқов (Самарқанд), Толибжон Комилов (Фарғона), Қалжан Деюсенбаева (Қозоғистон), Эрсултон Музаффаров (Қозоғистон) сингари номдор полвонларнинг чиқишлари, рақибларига нисбатан қўллаган усулари белбоғли кураш ва кураш шайдоларининг олқишларига, эътирофларига сазовор бўлди.

Иккинчи июнь куни эрталабдан бошланганбеллашувларда бирин-кетин энг кучли полвонлар  номи маълум бўла бошлади. Турнирни ташкил этилишида жонбозлик кўрсатиб келаётган, ташкилотчилардан саналаган Турсунали полвон Мамажонов финалга йўл олган полвонлар ва уларнинг мураббийларини  мухлисларга таништириб борди. 

Демак, ғолиб спортчилар билан танишамиз:

Белбоғли кураш 

Эркаклар:  -55 кг. 1. Ҳусанбой Носиров (Андижон), -60 кг. 1. Мурод Ҳомидов (Наманган), -73 кг. 1. Ҳусниддин Рўзиев (Андижон), -81 кг. 1. Камоллиддин Маҳкамов (Фарғона), -90 кг. 1. Ислом Қўлдошев (Фарғона), -100 кг. 1. Зайлобиддин Ортиқов (Тошкент ш.), +100 кг. ва мутлоқ вазнда Шерзод Раҳимов (Фарғона).

Кураш  

Эркаклар: -66 кг. 1. Толибжон Комилов (Фарғона), -73 кг. 1. Раҳматилло Нуриддинбеков (Андижон), -81 кг. 1. Жонибек Қозоқов (Самарқанд), -90 кг. 1. Эрсултон Музаффаров (Қозоғистон), +90 кг. 1. Мансур Шералиев (Андижон). Мутлоқ вазн. 1. Элнур Бўриев (Фарғона).

Қизлар: -52 кг. 1. Зарнигор Раҳмиддинова (Фарғона), -63 кг. 1. Улжан Деюсенбаева (Қозоғистон), +63 кг. 1. Қалжан Тайжанова (Қозоғистон).

Беллашувлар якунига етгач, ғолиб ва совриндор спортчиларни тақдирлаш маросими бўлиб ўтди. Кучли учликдан жой олган полвонлар ташкилотчилар томонидан медаль, диплом ва қимматбаҳо эсдалик совғалари билан мукофотланишди.

Қалжан ТАЙЖАНОВА, Қозоғистон терма жамоаси аъзоси, +63 кг. вазнда биринчи ўрин соҳибаси: 

- Аввало мусобақани ташкил этган ташкилотчиларга раҳмат айтмоқчиман. Сизларнинг меҳмондўстлигингиз, очиқ кўнгиллик ва ширинсухонликларингиз бизни қойил қолдирди. Ўз вазн тоифамда ғолиб бўлганимдан хурсандман. Насиб этса, кейинги мусобақаларга ҳам келишга ҳаракат қиламиз. Боиси, терма жамоамиз учун бундай очиқ турнирларда иштирок этиш тажрибамиз ошишига катта ёрдам бўлади. Ҳаммага яна бир бор жамоамиз номидан миннатдорчилик билдираман.


Илҳом РАҲМОНОВ, Водил қишлоғидан махсус тайёрлади   

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг