15 мар 10:24
Янгиликлар

Кураш

Белбоғли курашчилар Навоийда беллашмоқда

Бугун Навоий шаҳридаги Навоий ихтисослаштирилган олимпия захиралари мактаб-интернати спорт мажмуасида белбоғли кураш бўйича 2002-2003 йилларда туғилган ўғил болалар ва қизлар ўртасида Ўзбекистон чемпионати бошланди.

Мазкур чемпионатда Тошкент шаҳри, Қорақалпоғистон Республикаси ҳамда барча вилоятлардан 300 нафарга яқин ёш полвонлар ўз вазн тоифаларида иштирок этишмоқда. Мусобақа 17 март кунига қадар давом этади.

Мамлакат чемпионатини ўтказишдан кўзланган асосий мақсад - белбоғли курашда истеъдоди юқори бўлган полвонларни саралаш ва шу орқали халқаро мусобақаларда, хусусан Осиё ва жаҳон чемионатларида муваффақиятли иштиок этишдан иборат бўлади.