07 апр 09:53
Янгиликлар

Кураш

Белбоғли курашчилар Олмалиқда бел олишишди

Кеча, 6 апрель куни Олмалиқ шаҳрида белбоғли кураш бўйича 2008-2009 йилда туғилган ўсмирлар ўртасида белбоғли кураш бўйича Тошкент вилояти чемпионати бўлиб ўтди.

Тошкент вилоятининг туман ва шаҳарларидан 130 нафардан ортиқ ёш полвонлар 13 та вазн тоифасида ўзаро куч синашишди. Мусобақа бош ҳаками Баҳодир Шеранов бошчилигидаги ҳакамлар эса беллашувларни муносиб баҳолаб боришди. Ғолиб ва совриндорлар диплом, медаль ва эсдалик совғалари билан мукофотланишди.

Тошкент вилояти белбоғли кураш федерацияси ижрочи директори Тошкентбой Яхшибоевнинг таъкидлашича, ушбу чемпионат ғолиб ва совриндорлари апрель ойининг иккинчи ўн кунлигида Андижонда ўтадиган Республика чемпионатига йўлланмага эга бўлишди.