Белбоғли курашчиларимиз жаҳон чемпионатида 30 та медаль билан биринчи бўлишди

Қувонарлиси, мазкур дунё биринчилигида Бахтиёр Турғунпўлатов мураббийилигида тўлиқ таркиб билан иштирок этган терма жамоамиз 21 та давлатдан келган 300 нафарга яқин спортчилар орасида 12 та олтин, 3 та кумуш, 15 та бронза медали билан умумжамоа ҳисобида фахрли биринчи ўринни эгаллашди. 

Жаҳон чемпионларимиз билан танишинг:

Белбоғли кураш йўналиши: 57 кг. Жамолиддин Неъматуллаев (Наманган), 62 кг. Асадбек Маматалиев (Наманган), 68 кг. Илёсбек Ёқубжонов (Андижон), 75 кг. Камронбек Номозбоев (Тошкент в.), 82 кг. Бекзодбек Камолиддинов (Андижон), 100 кг. Ойбекжон Муҳаммадов (Фарғона). 

Эркин йўналиш: 57 кг. Асомиддин Зокиржонов (Наманган), 68 кг. Фаёзбек Абдуғаффоров (Фарғона), 75 кг. Достонбек Обиджонов (Наманган), 82 кг. Жаҳонгир Низомиддинов (Наманган), 58 кг. Дилдорахон Исроилжонова (Наманган), +76 кг. Шириной Йўлдошева (Наманган). 

Мазкур жаҳон чемпионатида жаҳон белбоғли кураш ассоциацияси президенти Азизбек Ғаниев, Осиё белбоғли кураш конфедрацияси президенти Мўмин Муратов ҳамда Ўзбекистон белбоғли кураш федерацияси раиси Равшан Дастировлар ҳам иштирок этишди.

Илҳом РАҲМОНОВ тайёрлади