Белбоғли курашчиларимиз жаҳон чемпионатига йўл олишди

Бу борада белбоғли кураш бўйича терма жамоамиз ҳам энг кўп медалларни қўлга киритаётган жамоалардан саналади. Албатта, белбоғли кураш бўйича иқтидорли полвонлардан иборат терма жамоаларни шакллантиришда, уларни халқаро беллашувларидаги иштироки ҳамда миллий спорт туримиз бўлган белбоғли курашни дунё бўйлаб танилиб боришида Ўзбекистон Республикаси ёшлар сиёсати ва спорт вазирлиги, Жаҳон белбоғли кураш ассоциацияси (ЖБКА), Осиё белбоғли кураш конфедрацияси ва Ўзбекистон белбоғли кураш федерациясининг ўрни беқиёс.

Белбоғли кураш бўйича катталардан иборат терма жамоамиз навбатдаги медаллар шодасини қўлга киритиш мақсадида сафарга отланди. Ўзбекистон белбоғли кураш федерацияси раиси Равшан Дастиров бошчилигидаги терма жамоамиз 14-17 июль кунлари Қозоғистон пойтахти Остона шаҳрида ўтказиладиган белбоғли кураш бўйича эркаклар ва аёллар ўртасидаги жаҳон чемпионатида иштирок этиш учун қўшни давлатга жўнаб кетди. 

Ушбу жаҳон чемпионати регламентига мувофиқ, беллашувлар эртага 15 июлдан старт олади. Курашчиларимиз беллашувларжа тўлиқ таркиб билан иштирок этади. Полвонларимизга жаҳон чемпионатида омад тилаймиз.

Илҳом РАҲМОНОВ тайёрлади