19 мар 14:41
Янгиликлар

Бокс/ММА

Bellator 255. Магомедов жангга икки ҳафта қолганда рақибсиз қолди

2 апрель куни АҚШнинг Анкасвилль (Коннектикут штати) шаҳрида аралаш яккакураш қоидалари бўйича турнир бўлиб ўтади.

Bellator промоушени томонидан ташкил этилаётган Bellator 255 турнирининг асосий кардида россиялик енгил вазн тоифаси вакили Магомед Магомедов америкалик Жаред Скоггинсга қарши октагонга кўтарилиши лозим эди.

Лекин номаълум сабабларга кўра Жаред жангда иштирок эта олмайдиган бўлди. Айни пайтда промоушен Магомедовга янги рақиб топиб бериш ҳаракатини бошлаган. Магомед ўтган йилнинг декабрь ойида Bellator лигасида дебют қилган ва ўша илк жангида Матеус Маттосни мағлубиятга учратганди.

Маълумот учун, Bellator 255 турнирининг марказий жанги ярим енгил вазн тоифасида ташкилот чемпиони Патрисио Фрейре ҳамда даъвогар Эммануэль Санчес ўртасида бўлиб ўтади. Ушбу турнир доирасида Усман Нурмагомедов ҳам октагонга кўтарилади.