17 апр 12:29
Янгиликлар

Бокс/ММА

Bellator 257. Андеркард жангда туркманистонлик яккакураш устаси октагонга кўтарилди

Хабар берганимиздек, бугун АҚШнинг Анкасвилль шаҳрида аралаш яккакураш қоидалари бўйича Bellator промоушенининг навбатдаги турнири бўлиб ўтди.

Оқшомнинг андеркард жанги ярим оғир вазнда собиқ ACA промоушени чемпиони, туркманистонлик Довлетжан Ягшимурадов ҳамда америкалик Кори Андерсон ўртасида кечди. Ушбу жанг Bellator Гран-присининг чорак финал босқич вазифасини ҳам ўтаб берди.

Жанг учинчи раундда тўхтатилди. Андерсон туркманистонлик рақибини партерга туширди ва кучли зарбалар сериясини йўллади. Натижада рефери Майк Белтран жангни тўхтатди. Ягшимурадов техник нокаут эвазига мағлубиятини қабул қилиб олди.

Аслида жанг биринчи раунддаёқ якунланиши мумкин эди. Ягшимурадов оёқда берган зарбасидан сўнг Андерсонни мувозанатдан чиқарди. Лекин серияни давом эттириш учун вақт етмай қолди. Энди Кори Гран-при ярим финалида собиқ вазн чемпиони Райан Бейдерга қарши октагонга кўтарилади.