Bellator афсонаси расман UFC'га қўшилди. Унинг илк жанги қачон ва кимга қарши ўтказилиши маълум

Унинг дебют жанги ҳақида UFC президенти Дана Уайт маълум қилди. Британиялик жангчи UFC'даги дебютини 9 март куни ўтказади. Майклга ўша куни бўлиб ўтадиган UFC 299 турнирида ярим ўрта вазн рейтингида 12-ўринни эгаллаб турган Кевин Холланд рақиблик қилади.

Эслатиб ўтамиз, Майкл Пейж сўнгги жангини 2023 йилнинг март ойида Bellator 292 турнири доирасида Гоити Ямаучига қарши ўтказиб, биринчи раунддаёқ нокаут эвазига ғалаба қозонганди. Унинг ҳисобида 21 ғалаба ва 2 мағлубият бор.