Беллингем Испанияда мавсум футболчиси бўлди, аммо тақдирлаш маросимида "Реал"нинг бирорта вакили иштирок этмади

"Реал" ярим ҳимоячиси Ла Лигада мавсум футболчисига топшириладиган Альфредо Ди Стефано совринини қўлга киритди. Беллингем ўтган мавсум "Реал" сафида Испания чемпионатининг 28 та учрашувида майдонга тушиб, 19 та гол урди ва 6 та голли пас берди.

Англиялик тўпурарлар пойгасида Александр Серлот ва Артём Добвиклардан сўнг 3-ўринни эгаллади. Лекин Беллингем ва қолган совринларга номзод бўлган "Реал"нинг бошқа футболчилари ушбу маросимда иштирок этишмади.

Marca раҳбари ушбу вазиятга қуйидагича фикр билдирди: "Реал"нинг совринларга тўсатдан пайдо бўлган аллергияси менга тобора тушунарсиз бўлиб боряпти".

Эслатиб ўтамиз, Винисиус Жуниорнинг "Олтин тўп"ни олмаслиги ҳақида маълумот пайдо бўлганидан сўнг "Реал" вакиллари Парижда ўтган маросимга бойкот эълон қилишганди.