09 июн 09:46
Янгиликлар

Бокс/ММА

Бен Аскрен: Макгрегор кетмайди — у нархини оширяпти

Собиқ UFC жангчиси Бен Аскрен ирландиялик Конор Макгрегорнинг фаолиятини якунлаганига ишонмаслигини маълум қилди.

Аскреннинг сўзларига кўра, Конор шу йўл билан савдолашяпти, ўзининг нархини оширишга интиляпти.

"Макгрегор кетмайди, унинг тактикасини ҳамма англаб етиб бўлди. У шунчаки савдолашяпти. Шахсан мен июль ойида Конор Макгрегор ва Жастин Гэтжи ўртасида "Жангчилар ороли"да жанг ўтказилишини кутяпман", — дея "Твиттер"да хабар қолдирган Бен Аскрен.

Эслатиб ўтамиз, куни кеча Конор Макгрегор учинчи бор фаолиятини якунлаётганини эълон қилган эди.