13 ноя 09:50
Янгиликлар

Бокс/ММА

Бенуа Сен-Дени: "Мен BMF камарини оламан, кейин эса Махачевнинг ортидан бораман"

Франциялик UFC жангчиси Бенуа Сен-Дени тез орада BMF камарини қўлга киритиб, кейин Ислам Махачевга қарши жанг ўтказиш ниятида эканини айтди.

"BMF камарини қўлга киритаман, чунки мен бунга лойиқман. Кейин Ислам Махачевнинг ортидан бораман. У менга қарши жангда уч раунд туриб бера олмайди. Нафақат Ислам, балки ҳеч ким мен билан жангда уч раунд туриб бера олмайди.

Мен ҳаммани ўлдираман, енгил вазн тоифасида ҳамманинг ортидан бораман. Тез орада менда чемпионлик камари бўлади", - деди Сен-Дени якшанба тонгидаги жангидан кейин берган интервьюсида.

Эслатиб ўтамиз, у UFC 295 турнирида америкалик Мэтт Фреволани биринчи раунддаёқ нокаутга учратган эди. Бу Бенуанинг UFC`даги қаторасига бешинчи ғалабаси бўлди.