12 окт 17:52
Янгиликлар

Бокс/ММА

Бетербиев ва Биволнинг бугунги жанг учун гонорарлари маълум

Хабарингиз бор, бугун тунда Саудия Арабистони пойтахти Ар-Риёд шаҳрида узоқ кутилган профессионал бокс турнири ўтказилади.

Оқшомнинг асосий жанги яримоғир вазн тоифасида мутлақ жаҳон чемпионлиги учун бўлиб ўтади. Мағлубият ва муроса нималигини билмай келаётган россиялик боксчилар — 39 ёшли Артур Бетербиев ва 33 ёшли Дмитрий Бивол рингда ўзаро тўқнаш келишади. Чемпионларнинг бугунги жанг учун кафолатланган гонорарлари маълум бўлди.

Top Rank промоутерлик компанияси раҳбари, 93 ёшли Боб Арумнинг айтишича, ҳар икки боксчи ҳам жанг натижасидан қатъи назар кафолатланган 10 миллион АҚШ доллари миқдоридаги гонорарга эга бўлади. Ушбу сумма иккала чемпион учун фаолиятидаги энг катта гонорар ҳисобланади.

Таққослаш учун, шу кунгача Дмитрийнинг жанг учун олган энг кўп гонорари 5 млн, Бетербиевники эса 2,115 млн долларни ташкил қилган.