24 мар 07:53
Янгиликлар
Бокс/ММА
Бетербиевнинг бекор бўлган жангидан қанча зарар кўргани айтилди
Ярим оғир вазн тоифасида WBC ва IBF йўналишлари чемпиони Артур Бетербиевнинг навбатдаги ҳимоя жанги бекор қилинганди.
Россиялик жаҳон чемпиони IBF камарини мажбурий даъвогар, хитойлик Мэн Фаньлундан ҳимоя қилиши керак эди. Артурнинг мураббийи Марк Рэмси чемпион ушбу жангнинг бекор бўлишидан қанча зарар кўрганини айтди.
"Жангнинг бекор қилиниши Бетербиевга 35-52 минг долларга тушди. Бу сумма фақат олти кишидан иборат жамоанинг Канадага учиб келиши, машғулот базаси учун тўловни ўз ичига олади. Артур энди ҳаражатларни қоплаши керак бўлади", - дея Рэмсининг сўзларини келтирмоқда BoxingScene.
Эслатиб ўтамиз, Артур Бетербиев - Мэн Фаньлунь жанги 28 март куни Канаданинг Квебек шаҳрида ўтказилиши керак эди. Чемпионлик жанги коронавирус пандемияси сабаб бекор қилинганди.
Ҳавола :
Фикрлар