Бэйл яна стадионни муддатидан аввал тарк этди

Гарет Бэйл учрашувнинг 82-дақиқаси давом этиб турган бир паллада "Сантьяго Бернабеу"ни тарк этган. Бэйл жорий мавсум давомида бешинчи бор ҳакамнинг якуний ҳуштагини эшитмай ўйингоҳни тарк этди. Уэльслик футболчи бунга қадар "Эспаньол" (2:0), "Леганес" (5:0), "Бетис" (0:0) ва "Галатасарой"га (6:0) қарши учрашувларда шундай йўл тутган эди.

Маълумот учун, Мадрид клуби қоидаларига биноан ўйинчиларнинг 80-дақиқадан аввал учрашув давом этаётган ўйингоҳни тарк этишлари таъқиқланади.