25 июл 16:21
Янгиликлар

Волейбол, Токио-2020

Биласизми? Риода Россия байроғини кўтарадиган спортчи Ўзбекистонда туғилган

Бундан бироз аввалроқ, Бразилияда бўлиб ўтадиган Олимпиада ўйинларининг очилиш маросимида Россия терма жамоаси байроғини волейболчи Сергей Тетюхин кўтариб чиқиши ҳақида хабар қилинганди.

Маълум бўлишича, волейболчи Сергей Тетюхин 1975 йилнинг 23 сентябрида Фарғона вилоятининг Марғилон шаҳрида таваллуд топган.

Унинг илк мураббийи отаси Юрий Иванович бўлган. Волейболнинг дастлабки сир асрорларини эса Тошкентнинг "Крилия Востока" жамоасида ўрганган.

Бунгача 4 маротаба Олимпиада ўйинларида иштирок этган.

Сиднейда жамоадошлари билан бирга кумуш медални қўлга киритган бўлса, Афина ва Пекин Олимпиадаларида бронза медали соҳибига айланган. Ниҳоят, 2012 йил Лондонда бўлиб ўтган Олимпия ўйинларида эса Россия терма жамоаси сафида олтин медалларни қўлга киритган.