27 окт 19:39
Янгиликлар
Бокс/ММА
Биласизми? Шоҳжаҳон Абдуллаев нокаутга учрагунга қадар олдинда бораётганди
Сербияда бокс бўйича жаҳон чемпионати давом этмоқда.
Бугун -86 кг вазнли боксчимиз Шоҳжаҳон Абдуллаев бельгиялик Виктор Шельстрейтга қарши жанг ўтказди ва иккинчи раунднинг сўнгги сониясида кучли зарба ўтказиб юбориб, нокаут ҳолатига тушиб қолди.
Қайд этиш лозимки, биринчи раундни у 3:2 ҳисобида ўз фойдасига ҳал қилганди. Иккинчи раундда янада фаолроқ ҳаракат қилган Шоҳжаҳон ғалабага яқин қолаётганди. Афсуски, ўтказиб юборилган зарба ёш боксчимизга қимматга тушди ва мусобақани тарк этди.
Маълумот учун, Шоҳжаҳон яқиндагина Ўзбекистон катталар терма жамоасига жалб этилган. У шу йили апрель ойида Польшада ўтказилган ёшлар ўртасидаги жаҳон чемпионатида бронза медалини қўлга киритганди.
Ҳавола :
Манба : olamsport.com
Фикрлар