16 июл 16:55
Янгиликлар
Теннис
"Билли Жин Кинг кубоги". Ўзбекистон бу сафар Қирғизистонни доғда қолдирди
Малайзиянинг Куала-Лумпур шаҳрида теннис бўйича аёллар терма жамоалари ўртасида "Билли Жин Кинг кубоги" анъанавий мусобақаси Осиё-Океания II гуруҳ баҳслари давом этмоқда.
Мусобақада С гуруҳидаги баҳсларда иштирок этаётган Ўзбекистон термаси ўзининг иккинчи ўйинини ўтказди.
Теннисчиларимиз бу сафар қўшни мамлакат Қирғизистонга қарши кортга чиқди.
Яккалик баҳсларида Сабрина Олимжонова Арина Соломатинани 2:1, Дарья Шубина эса Владислава Андрейевскаяни 2:0 ҳисобида таслим этди. Жуфтлик баҳсларида Шаҳноза Маримова ҳамда Дарья Шубина тандеми Владислава Андрейевская/Сафина Хабибраҳманова жуфтлигидан устун келди.
Шу тариқа, термамиз гуруҳидаги иккинчи ўйинда ҳам 3:0 ҳисобида ғалаба қозониб, пешқадамликни янада мустаҳкамлаб олди. Оқгул Омонмуродова сардорлигидаги жамоамиз эртага гуруҳ босқичидаги сўнгги ўйин доирасида мезбон Малайзияга қарши кортга чиқади.
Ҳавола :
Манба : olamsport.com
Фикрлар