13 апр 10:12
Янгиликлар

Теннис

Billie Jean King Cup. Бугун гуруҳ пешқадами — Японияга қарши кортга чиқамиз

Теглар : Билли Жин Кинг кубоги Билли Жин Кинг

Хабарингиз бор, шу кунларда пойтахтимизда теннис бўйича аёллар ўртасида норасмий жаҳон чемпионати ҳисобланадиган "Billie Jean King" турнири ўтказилмоқда.

Кеча Ўзбекистон аёллар терма жамоаси саралаш баҳслари доирасидаги иккинчи учрашувда Ҳиндистон аёллар терма жамоасига қарши кортга чиқди.

Илк яккалик ўйинида Сабрина Олимжонова Рутужа Босалега 7/5, 2/6, 4/6 ҳисобида мағлуб бўлган бўлса, иккинчи учрашувда Севиль Юлдашева WTA рейтингида 221-ўринда бораётган Анкита Раинага 4/6, 2/6 ҳисобларида имкониятни бой берди. Жуфтликлар баҳсида эса ҳамюртларимиз Мафтунабону Қаҳрамонова ва Оминахон Валиханова ҳамкорлиги ҳиндистонликлар Шривалли Рашмикаа ҳамда Вайдехи Чаудхари тандемига қаршилик кўрсата олишмади - 1/6, 0/6.

Бугун вакилаларимиз гуруҳ пешқадамлари бўлмиш — япониялик ракетка усталарига қарши кортга чиқишади. Япония аёллар терма жамоаси кеча Таиланд устидан 2:1 ҳисобида зафар қучган эди.

Турнирнинг бугунги тақвими:

Япония -Ўзбекистон
Хитой - Ҳиндистон
Корея Республикаси - Таиланд.

Учрашувлар 10:00 да пойтахтимиздаги Теннисга ихтисослашган Олимпия мактаби хард кортларида бошланади.