Billie Jean King Cup. Японияга яккаликнинг ҳар икки учрашувида ҳам ютқаздик. Жуфтлик баҳси расмиятчилик учун ўтказилади

Ўзбекистон аёллар терма жамоаси саралаш гуруҳ босқичининг учинчи учрашувида ҳам мағлубиятга учрамоқда. Бироз аввал гуруҳ пешқадами Японияга қарши кечган ҳар иккала яккалик ўйинида мағлубиятга учрадик. 

WTA рейтингида теннисчиларимиздан анча юқорида бораётган Кунчиқар юрт вакилалари ортиқча қийинчиликсиз ғалаба қозонишди. Рейтинги бўлмаган Сабрина Олимжонова 48 дақиқа давом этган баҳсда WTA таснифида 216-ўринни эгаллаб турган Ҳимено Сакатсумега 1/6, 2/6 ҳисобида ютқазди. 

Иккинчи учрашувда эса WTA рейтингида 991-поғонадан жой олган Севиль Юлдашева дунёнинг 179-ракеткаси Маи Ҳонтамага 1/6, 1/6 ҳисобида имкониятни бой берди. Ушбу баҳс 1 соату 9 дақиқа давом этган. Бироздан сўнг жуфтликлар ўртасида ўтказиладиган учрашув терма жамоаларнинг умумий натижасига ҳеч қандай таъсир ўтказмайди.