Billie Jean King кубоги. Кеча Японияга мағлуб бўлган эдик, бугун Жанубий Кореяга қарши кортга чиқамиз

Кеча Ўзбекистон аёллар терма жамоаси саралаш баҳслари доирасидаги учинчи учрашувда Япония аёллар терма жамоасига қарши кортга чиқди.

Илк яккалик ўйинида Сабрина Олимжонова WTA таснифида 216-ўринни эгаллаб турган Ҳимено Сакатсумега 1/6, 2/6 ҳисобида мағлуб бўлган бўлса, иккинчи учрашувда Севиль Юлдашева дунёнинг 179-ракеткаси Маи Ҳонтамага 1/6, 1/6 ҳисобларида имкониятни бой берди. Жуфтликлар баҳсида эса ҳамюртларимиз Мафтунабону Қаҳрамонова ва Оминахон Валиханова ҳамкорлиги японияликлар Шуко Аояма ҳамда Эри Хозуми тандемига қаршилик кўрсата олишмади - 0/6, 0/6.

Бугун вакилаларимиз гуруҳ аутсайдерларидан бири бўлмиш — жанубий кореялик ракетка усталарига қарши кортга чиқишади.

Турнирнинг бугунги тақвими:

Корея Республикаси - Ўзбекистон
Хитой - Япония
Ҳиндистон - Таиланд.

Учрашувлар 10:00 да пойтахтимиздаги Теннисга ихтисослашган Олимпия мактаби хард кортларида бошланади.

Турнир жадвали:


Қайд этиш жоиз, Ўзбекистон айни дамда ғалаба қозона олмаган ягона жамоа бўлиб турибди. Бугунги ва эртанги ўйинларда зафар қучиш орқали гуруҳдаги ўрнимизни сақлаб қола олишимиз имконияти мавжуд!