12 апр 06:02
Янгиликлар

Теннис

Billie Jean King кубоги. Хитой - Ўзбекистон 3:0

Пойтахтимизда нуфузли Billie Jean King кубогининг Осиё ва Океания минтақаси биринчи гуруҳидан ўрин олган ўйинлар давом этмоқда.

Кеча Ўзбекистон аёллар терма жамоаси Хитойга қарши ҳар уччала учрашувда ҳам мағлубият аламини тотиб кўрди. Яккалик баҳсларида Сабрина Олимжонова Чин юрти вакиласи Жианг Ксинюга 3/6, 1/6, WTA рейтингида 991-поғонада бораётган Севиль Юлдашева эса рейтинги йўқ Женг Ву Шуангга 0/6, 1/6 ҳисобларида имкониятни бой берди.

Учрашувнинг умумий натижасига таъсир ўтказмаган жуфтликлар баҳсида эса ҳамюртларимиз Мафтунабону Қаҳрамонова ва Оминахон Валиханова ҳамкорлиги хитойликлар Жианг Ксиню ҳамда Янг Жао Хуан тандемига қаршилик кўрсата олишмади - 0/6, 0/6.

Куннинг қолган ўйинларида Ҳиндистон Таиландни 2:1 ҳисобида мағлубиятга учратган бўлса, япониялик теннис маликалари Жанубий Корея терма жамоасидан 3:0 ҳисобида устун келишди.