04 апр 09:40
Янгиликлар
Бокс/ММА
Билол Муҳаммад Эдвардс - Ковингтон жангида ким ғалаба қозониши мумкинлигини айтди
Ўрта енгил вазн тоифасидаги тўртинчи рақамли жангчи Билол Муҳаммад 22 июль куни Лондонда UFC 291 турнири доирасида бўлиши кутилаётган Леон Эдвардс ва Колби Ковингтон жангига ўз тахминини айтди
"Леон бир ҳафта қолганида жангда қатнашишдан бош тортади ва унинг ўрнини мен эгаллайман ҳамда Колбини иккинчи раунддаёқ таслим этаман", - деб ёзди Муҳаммад.
Олдинроқ UFC президенти Дана Уайт навбатдаги жангида Билол Муҳаммад мағлубият нималигини билмай келаётган Шавкат Раҳмонов билан учрашинини айтганди. Аммо америкалик жангчи Раҳмонов билан жанг қилиш нияти йўқлигини, Камару Усмон ёки Гилберт Бернс, ундан ташқари Хорхе Масвидални мағлуб этадиган жангчи билан октагонга чиқишини айтган эди.
Ҳавола :
Манба : Goal
Фикрлар