Бир нечта вазнда жаҳон чемпионати учун кичик саралаш мусобақаси ўтказилди ФОТОГАЛЕРЕЯ

Айни пайтда терма жамоамиз ушбу нуфузли мусобақага тайёргарликни давом эттирмоқда. Айрим вазн тоифаларида бир неча дзюдочи жаҳон чемпионатида қатнашиш учун даъвогар бўлиб турганди. Бу албатта яхши ҳолат. Рақобат қанчалик кучли бўлса, терма жамоа ҳам шунчалик кучаяди. 

Шу мақсадда мураббийлар штаби Ўзбекистон дзюдо федерациясида кичик саралаш турнири ўтказишди. Беллашувларни бевосита Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов кузатиб борди. 

Мураббийлар штаби, Баҳодир Узакберганов ва Рамзиддин Саидов бошчилигидаги тажрибали рефериларимиз кўз ўнгида ўтган саралаш турнирида жаҳон чемпионатида юртимиз шарафини ҳимоя қилувчи таркиб аниқлаб олинди. Ҳаммаси шаффоф тарзда ўтди ва ҳеч қандай саволга ўрин қолмади.