02 июн 16:00
Янгиликлар

Бокс/ММА

"Бир ўлимдан қайтган" Бен Аскрен Билол Муҳаммад билан жанг қилади

ONE ва Bellator ташкилотларининг ярим ўрта вазн тоифасидаги собиқ чемпиони Бен Аскрен бир йил аввал икки ўпкасини кўчириб ўтказиш бўйича мураккаб операцияни бошдан кечирганига қарамай, спорт фаолиятини қайта тикламоқда.

У профессионал кураш лигаси Real American Freestyle Real American Freestyle (RAF) билан ҳамкорликдаги илк баҳсини UFC собиқ чемпиони Билол Муҳаммадга қарши ўтказади. Икки америкалик спортчи ўртасидаги тўқнашув 18 июль куни Милуокида бўлиб ўтадиган RAF 11 турнирида ташкил этилади.

Билол Муҳаммад ушбу ҳафта охирида UFC Fight Night 278 турнирининг марказий жанги доирасида Габриэль Бонфимга қарши октагонга кўтарилади.

Эслатиб ўтамиз, ўтган йил июнь ойи бошида Аскрен оғир шаклдаги пневмония билан шифохонага ётқизилганди. Ой охирида унга икки ўпкани кўчириб ўтказиш операцияси амалга оширилиб, операциядан кейин спортчи ҳатто қайта юришни ўрганишига тўғри келган. Шунга қарамай, у ноябрь ойида машғулотларни қайта бошлаганини маълум қилганди.