Биринчи кунги баҳслардан сўнг умумжамоа ҳисобида 7-ўриндамиз!

Бугун эркаклар -60, -66 кг, аёллар эса -48, -52 ва -57 кг вазн тоифаларида татамига чиқишди. Биринчи кунги беллашувлар япониялик дзюдочилар учун аталди. Дзюдо ватани вакиллари 3 та олтин, 1 та кумуш медаль билан умумжамоа ҳисобида биринчи ўринни эгаллаб туришибди. Битта олтин, 2 та кумуш медалга эга Мўғулистон терма жамоаси иккинчи поғонани банд этган бўлса, кучли учликка 1 та олтин, 1 та бронза медали билан Жанубий Корея терма жамоаси якун ясаган. 

Ўзбекистон терма жамоаси ака-ука Сардор ва Кемран Нуриллаевларнинг бронза медаллари сабаб 7-ўриндан жой олган. Биздан олдинги поғоналарда Қозоғистон, Хитой Тайпейи ва Сербия терма жамоалари жойлашишган. Франция, Германия, Россия ва Швейцария эса ТОП-10ни якунлаб берган. Номлари тилган олинган жами 11 та терма жамоага бугунги баҳсларда камида битта медаль олиш насиб этган.