17 янв 17:33
Янгиликлар
Теннис
Биринчи ракеткамиз Australian Open 2026 жуфтлик мусобақасида ҳам иштирок этади
Теннис бўйича "Катта Дубулға" туркумига кирувчи Австралия Очиқ чемпионатининг жуфтлик мусобақасига қуръа ташланди.
Биз учун аҳамиятлиси, аёллар ўртасидаги жуфтлик баҳсларида етакчи теннисчимиз Камилла Раҳимова ҳам иштирок этади. Мамлакатимизнинг биринчи ракеткаси россиялик Анна Блинкова билан ҳамкорликда мусобақадаги юришини бошлайди.
Улар илк даврада саралашда ўн тўртинчи рақамли жуфтлик сифатида сараланган Хитой Тайпейи вакиласи Чань Хаоцин ва хитойлик Цзян Синью ҳамкорлигига қарши кортга чиқишади. Ушбу учрашув 20 январь куни бизнинг вақт билан соат 05:00да бошланади. Вероника Кудерметова ва саралашда ютқазган Мария Тимофеева жуфтлик турнирида қатнашмайди.
Эслатиб ўтамиз, Камилла Раҳимова Australian Open 2026 яккалик баҳслари илк даврасида дунёнинг учинчи ракеткаси, америкалик Коко Гофф билан ҳисоб-китоб қилади.
Ҳавола :
Манба : olamsport.com
Фикрлар