22 янв 10:19
Янгиликлар
Теннис
Биринчи ракеткамиз Australian Open 2026 жуфтлик мусобақасининг иккинчи даврасига йўл олди
Мельбурн шаҳри мезбонлик қилаётган теннис бўйича "Катта Дубулға" туркумига кирувчи Австралия Очиқ чемпионатининг жуфтлик мусобақаси бошланди.
Биз учун аҳамиятлиси, аёллар ўртасидаги жуфтлик баҳсларида етакчи теннисчимиз Камилла Раҳимова ҳам иштирок этяпти. Мамлакатимизнинг биринчи ракеткаси россиялик Анна Блинкова билан ҳамкорликда мусобақадаги юришини бошлади.
Улар илк даврада саралашда ўн тўртинчи рақамли жуфтлик сифатида сараланган Хитой Тайпейи вакиласи Чань Хаоцин ва хитойлик Цзян Синью ҳамкорлигига қарши кортга чиқишди. Икки соату 43 дақиқа давом этган драматик баҳсда Блинкова ва Раҳимова жуфтлиги 3/6, 7/5, 7/6(тай-брекда 10/1) ҳисобида зафар қучди.
Эслатиб ўтамиз, Камилла Раҳимова Australian Open 2026 яккалик баҳсларининг илк даврасида дунёнинг учинчи ракеткаси, америкалик Коко Гоффга имкониятни бой берган эди.
Ҳавола :
Манба : olamsport.com
Фикрлар