20 мар 14:22
Янгиликлар

Теннис

Биринчи ракеткамиз Испаниядаги турнир саралашида ўйнади

Испаниянинг Барселона провинцияси Лес-Франкесес-дель-Вальес муниципалитетида теннис бўйича "Челленжер 75" туркумига кирувчи турнир бўлиб ўтмоқда.

Мукофот жамғармаси 73 000 еврони ташкил этувчи мусобақада ҳамюртимиз Сергей Фомин ҳам ўз омадини синаб кўряпти. Мамлакатимизнинг биринчи ракеткаси яккаликнинг саралаш турнири 1/2 финалида мезбонлар вакили Бруно Пуйоль Наваррога қарши кортга чиқди ва афсуски, 4/6, 5/7 ҳисобида имкониятни бой бериб қўйди.

Энди Сергей Фомин бор эътиборини жуфтликдаги иштирокига қаратади. Теннисчимиз украиналик Олександр Крутих билан тандем ҳосил қилган бўлиб, улар илк давра учрашувида ҳиндистонликлар - Чандрасекар Анирудҳ ҳамда Вижай Сундар жуфтлигига қарши кортга чиқишади.