Биринчи Рустам Қосимжонов турнирида ғолиб ва совриндорлар маълум

Хабар берганимиздек, кучли гроссмейстерлар жам бўлган "Мастерс" гуруҳида ҳамюртимиз Жавоҳир Синдаров бош совринни қўлга киритган эди. Олимпиада чемпиони 9 имкониятдан 6,5 очко жамғаришга муваффақ бўлди. Сўнгги турда Жаҳонгир Воҳидовни мағлубиятга учратган эронлик Парҳам Магсудлу 6 очко билан иккинчи ўринни эгаллади. Яна бир ҳамюртимиз Шамсиддин Воҳидов эса совринли учинчи ўринни банд этди. 

Бугун кутилмаганда 4 та баҳснинг 3 тасида мағлубиятга учраган Нодирбек Абдусатторов 4,5 очко билан 5-ўрин билан кифояланди. Тўртинчи поғонага жойлашган россиялик Александр Гришук ҳамда 6-ўриндаги озарбайжонлик Шахрияр Мамедияровда ҳам 4,5 очко бор. Турнир асосчиси Рустам Қосимжонов 3,5 очко билан 8-ўриндан жой олди. 

Сўнгги 9-тур натижалари

"Мастерс" гуруҳи

Шаҳрияр Мамедияров (Озарбайжон, 2703) - Шамсиддин Воҳидов (Ўзбекистон, 2514) 1/2-1/2

Жаҳонгир Воҳидов (Ўзбекистон, 2513) - Парҳам Магсудлу (Эрон, 2660) 0-1

Жавоҳир Синдаров (Ўзбекистон, 2578) - Жорден Ван Форест (Нидерландия, 2682) 1/2-1/2

Александр Гришук (FIDE, 2731) - Рустам Қосимжонов (Ўзбекистон, 2662) 1/2-1/2

Нодирбек Якуббоев (Ўзбекистон, 2577) - Нодирбек Абдусатторов (Ўзбекистон, 2714) 1/2-1/2

"Челленжерс" гуруҳида эса сербиялик Александр Иджич 6,5 очко билан Рустам Қосимжонов халқаро турнири ғолибига айланди. Ҳамюртимиз Ортиқ Ниғматов 6,5 очко билан қўшимча коэффицентларга кўра иккинчи ўринни эгаллади. Совринли учинчи ўрин "Челленжерс" турнирида биринчи тартиб рақамда таснифланган арманистонлик Габриэл Саргиссянга насиб этди.

"Челленжерс" гуруҳи

Габриэл Саргиссян (Арманистон, 2628) - Александр Инджич (Сербия, 2543) 1/2-1/2

Ваҳап Санал (Туркия, 2548) - Ҳумоюн Бегмуратов (Ўзбекистон, 2228) 1-0

Абдумалик Абдусалимов (Ўзбекистон, 2333) - Александр Донченко (Германия, 2590) 0-1

Саидакбар Сайдалиев (Ўзбекистон, 2276) - Муҳаммадали Абдураҳмонов (Ўзбекистон, 2237) 1-0

Акмал Файзуллаев (Ўзбекистон, 2311) - Ортиқ Ниғматов (Ўзбекистон, 2344) 0-1