18 окт 19:56
Янгиликлар

Бокс/ММА

"Бировнинг нарсаси керак эмас, ўзимникини эса бермайман!" Пётр Ян Двалишвили билан трилогияга тайёргарликни якунлади

Теглар : UFC 333 Пётр Ян Мераб Двалишвили

Энг енгил вазн тоифасида (61 кг гача) UFC чемпиони, россиялик Пётр Ян 24 октябрь куни Абу-Дабида (БАА) бўлиб ўтадиган UFC 333 турнирида грузиялик Мераб Двалишвили билан учинчи жангига тайёргарлик якунланганини маълум қилди.

"Иш жуда яхши бажарилди. Эндиги вазифа вазн ташлаш. Жамоамдагиларга ва барча қўллаб-қувватлаганларга миннатдорлик билдираман. UFC 333! Менга бировнинг нарсаси керак эмас, ўзимникини эса бермайман!", - деб ёзди Ян ижтимоий тармоқлардаги саҳифасида.

Россиялик 33 ёшли Петр Ян профессионал аралаш жангчи сифатида 2014 йилда дебют қилган. 2018 йилдан бери UFC’да иштирок этиб келмоқда. 2020 йилда энг енгил вазн тоифасида чемпион, 2025 йилда эса икки карра чемпион бўлди.