Бироздан сўнг Осиё чемпионати олдидан матбуот анжумани бошланади

Қитъамизнинг 30га яқин давлатидан энг сара боксчилар қатнашадиган Осиё чемпионатига бўлган қизиқиш жуда ҳам юқори. Мусобақада медаллар билан бирга шу йил Германияда ўтказиладиган жаҳон чемпионатининг йўлланмалари ҳам ўйналади.

Бироздан сўнг, аниқроғи соат 17.00да пойтахтимиздаги International Hotel Tashkent (собиқ “Интерконтитенталь” ) меҳмонхонасида Осиё чемпионатига бағишланган матбуот анжумани бўлиб ўтади.

Ўнта вазн тоифасида ўтказиладиган Осиё чемпионатида Ҳасанбой Дўсматов, Жасурбек Латипов, Муроджон Аҳмадалиев, Элнур Абдураимов, Иқболжон Холдоров, Шаҳрам Ғиёсов,  Исроил Мадримов, Бектемир Мелиқўзиев, Санжар Турсунов ва Баҳодир Жалолов юртимиз шарафини ҳимоя қилади.

Бу боксчиларимиздан Ҳасанбой Дўсматов, Муроджон Аҳмадалиев, Элнур Абдураимов, Исроил Мадримов, Бектемир Мелиқўзиев ва Баҳодир Жалолов 2 йил олдин Бангкокда бўлиб ўтган Осиё чемпионатида қатнашишган эди.

Осиё чемпионати-2015даги натижамиз:

-49 кг: Ҳасанбой Дўсматов - олтин

-75 кг: Бектемир Мелиқўзиев - олтин

-52 кг: Шаҳобиддин Зоиров - кумуш

-56 кг: Муроджон Аҳмадалиев - кумуш

-64 кг: Фазлиддин Ғоибназаров - кумуш

-81 кг: Элшод Расулов - кумуш

-91 кг: Рустам Тўлаганов - кумуш

-60 кг: Элнур Абдураимов - бронза