Bishkek Open-2019. Каратэчиларимиз 23та медал билан қайтишди ФОТО

Каратэнинг олимпия оиласига мансуб йўналиши бўйича ташкил этилган Bihkek Open-2019 турнирида Ўзбекистон терма жамоасининг 35 нафар аъзолари ҳам муносиб тарзда иштирок этишди. 

Қувонарлиси, кеча якунига етган мазкур халқаро мусобақада вакилларимиз  11та олтин, 5та кумуш, 7та бронза, жами 23та медал билан умумжамоа ҳисобида учинчи ўринни эгаллашди. 

Ўн иккинчи бор ўтказилган ўсмирлар, ёшлар ва катталар ўртасидаги турнирда Қозоғистон, Россия, Тожикистон, Туркманистон каби еттита давлатдан 500га яқин каратэчилар ғолиблик йўлида баҳс олиб боришди. 

Ўзбекистон каратэ миллий федерацияси спортчилари орасида Бекзод Ҳайитбоев, Жамшид Хожакметов, Дилдор Аннадурдиева, Асилбек Муҳаммаджон ўғли, Суннатулло Худойберганов, Азиза Алиқулова, Руҳшона Паёнова, Юлдуз Алиқулова, Самандар Сафаров, Меҳриддин Тўрахонов, Муҳаммаджон Турсунмуҳамматов, Севинч Раҳимова, Камрон Мадаминов, Абдулла Баҳромов, Шоҳжаҳон Аҳмадалиев, Ислом Сатторов, Фирдавс Аҳмаджонов, Ирода Акбарова, Мохларой Ҳакимжонова, Муаззам Эгамбердиева, Албек Зайнобиддинов ҳамда Абдулла Баҳромов ўз вазн тоифаларида ғолиб ва совриндорлар сафидан жой олишди. 

Илҳом РАҲМОНОВ тайёрлади