Битта жанги бекор қилинган нокаутларга бой бугунги UFC турнирининг барча натижалари

UFC Fight Night 247 турнири доирасидаги 11 та жангдан 8 тасида муддатидан аввал ё нокаут ёки самбишен билан якунига етди. Асосий жангда Бразилия вакили Карлос Пратес америкалик Нил Магнини биринчи раунд якунланишига 10 сония қолган бир пайтда чуқур нокаутга учратди.

Оқшомнинг Co main-event жангида ONE Championship Лигасининг собиқ чемпиони, нидерландиялик Ренье де Риддер UFC промоушенида муваффақиятли дебют қилди. У учинчи раундда америкалик тажрибали Жеральд Мершартни учбурчак услули билан бўғиб қўйди.

Шунингдек, UFC Fight Night 247 турнирида Мансур Абдул-Малик, Элизеу Залески дос Сантос, Чарли Радтке, Дамон Блэкшир, Трешин Гор ва Мелиссе Маллинс ҳам рақибларини муддатидан аввал мағлубиятга учратишди. Бу ҳолат UFC боссларини бонус соҳибларини аниқлашида қийинчиликка солиб қўйгани тайин. 

Аслида турнирнинг co main-event жанги бўлиши кутилган Рики Турсиос - Бернардо Сопай тўқнашуви бекор қилинди.