Бивол Бетербиев билан реванш ҳақидаги саволга қандай жавоб берди?

"Бу имконият учун раҳмат айтмоқчиман. Мен Артур ва унинг жамоасини шунчаки табриклайман. Ҳаммаси жойида. Келажагим ҳақида қарор қабул қилишим учун вақт керак. Мен ўз ишимни қилдим, яхшироқ бўлишим мумкин эди. Табриклайман Артур. У ғалаба қозонди, нима ҳам дейман? Реванш? Нега энди йўқ. Мутлақ чемпион бўлиш — бу менинг орзуим", деди Бивол.

Эслатиб ўтамиз, Саудия Арабистонида ташкил этилган бокс оқшомининг марказий жангида Дмитрий Бивол ҳамюрти Артур Бетербиевга очколар ҳисобига кўра мағлуб бўлди. Ушбу ғалабадан кейин Бетербиев ярим оғир вазн тоифасида мутлақ Жаҳон чемпионига айланди.