17 дек 17:51
Янгиликлар

Бокс/ММА

Бивол ESPN томонидан "Йил боксчиси" деб топилди

Американинг дунёга машҳур ESPN спорт портали мағлубият нималигини билмай келаётган Дмитрий Биволни якунига етиб бораётган 2022 йилнинг "Энг яхши боксчиси" деб эълон қилинди.

Россиялик жаҳон чемпиони 2022 йилда 2 та жанг ўтказди ва ҳар иккисида ҳам яримоғир вазн тоифасидаги WBA Super чемпионлик камарини муваффақиятли ҳимоя қилди. Аввалига у май ойида Мексика бокс афсонаси Сауль "Канело" Альваресни ҳакамларнинг якдил қарори билан таслим этди. Ноябрь ойида эса Абу-Дабида яна бир мексикалик боксчи Хильберто Рамиресдан устун келди.

Бир муддат аввал Дмитрий Бивол Бутунжаҳон бокс ассоциацияси (WBA) томонидан ҳам "Йил боксчиси" деб топилган эди.

Дмитрий Бивол профессионал боксда 21 та жанг ўтказиб, уларнинг барчасида ғалаба қозонган. 11 та жангда рақибларини муддатидан аввал мағлубиятга учратган.