Бивол Месси ҳақида: "Шундай инсон борлиги менга илҳом бағишлайди"

- Месси ва унинг сўнгги жаҳон чемпионатидаги ўйини ҳақида гапирдингиз. Айта оласизми, Россия футбол чемпионатида сизнинг севимли жамоангиз ёки футболчи борми?

- Мессининг ўйинига қойил қолдим деб айта олмайман. Чунки ўйинларни ҳаммасини ҳам кўрганим йўқ. Умуман олганда эса унга қойил қоламан. Мен спортчи сифатида ҳамма нарсага эришган тирик афсоналар борлигидан жуда хурсандман. Футболчи бўлмасам ҳам, дунёда шундай инсон борлиги менга илҳом бағишлайди.

Россия футболига келсак, уни кузатмайман. Сабаби спорт мусобақаларини кўриш учун вақтим етарли эмас. Футбол ўйнашни яхши кўраман, лекин камдан-кам футбол томоша қиламан. Фақат жаҳон ва Европа чемпионатлари, айрим катта номга эга ўйинларни томоша қиламан.

- Мессини буюк шахс сифатида кўришингизни айтдингиз. Сиз учун бошқа спорт турларида ҳам унга ўхшаганлар инсонлар борми?

- Албатта! Масалан, Майкл Жордан. У нафақат спортчи, балки фаолиятини якунлаганидан кейин бизнесмен сифатида ҳам мени қойил қолдиради.