Бивол The Ring журналининг 2025 йил якуни бўйича икки мукофотига номзод бўлди

Ярим оғир вазн тоифасида жаҳон чемпиони Дмитрий Бивол ана шу номинациялардан иккитасига даъвогарлик қилмоқда. Россиялик чемпион 2025 йилнинг энг яхши боксчиси номинациясига номзод сифатида илгари сурилди. Унга бу борада Теренс Кроуфорд, Наоя Иноуэ, Жесси Родригес ва Фабио Уордли рақиблик қилмоқда.

Бундан ташқари, Дмитрий Бивол ва Артур Бетербиев ўртасида 2025 йилнинг февраль ойида бўлиб ўтган реванш жанги "Йилнинг энг яхши жанги" номинациясида бокс бўйича "Оскар" мукофотига даъвогарлик қилмоқда. 

Ушбу тоифада яна тўртта жанг даъвогар:

Кенширо Терадзи – Сейго Юри Акуи;

Крис Юбанк – Конор Бенн (биринчи жанг);

Наоя Иноуэ – Рамон Карденас;

Абдулла Мейсон – Сэм Ноукс.

"Йил нокаути" номинациясида ғолибликка асосий даъвогар Александр Усик бўлиб турибди. Украиналик супероғир вазн тоифаси чемпионининг бешинчи раундда британиялик Дэниэль Дюбуани нокаутга учратган эпизоди катта эҳтимол билан ушбу номинацияда ғолиб деб топилади.