25 апр 14:54
Янгиликлар

Бокс/ММА

"Биз сени кутяпмиз, малика!" – Иан Гэрри Махачевга кескин мурожаат қилди

Ярим ўрта вазн тоифаси рейтингида иккинчи ўринни эгаллаб турган ирландиялик Иан Гарри UFC чемпиони Ислам Махачевнинг июль ойида октагонга қайтиш тайёрлигига ишора қилган постига муносабат билдирди.

Аввалроқ Махачев қўл жароҳати туфайли реабилитация жараёнидан ўтаётгани, унинг қайтиши тахминан август ойида амалга ошиши ҳақида маълумот пайдо бўлган эди.

"Аввалига қўлингда жароҳат борлигини айтгандинг. Дана август ҳақида гапирса, сен июль ҳақида гапиряпсан. Қайси бирига ишонайлик? Май ойида охирги марта рад жавобини берганингдан бери тайёрман. Ҳаммамиз сени кутяпмиз, малика!", - деб ёзди Гарри ижтимоий тармоқдаги саҳифасида.

Иан Гарри 22 ноябрь куни Қатардаги UFC турнирида бўлиб ўтган сўнгги жангида ҳакамларнинг якдил қарори билан асли фаластинлик АҚШ шарафини ҳимоя қилаётган Белал Муҳаммадни мағлуб этганди.