20 окт 09:41
Янгиликлар

Бокс/ММА

Блогер Жейк Пол италиялик ди-жейни урган Конорга мурожаат қилди

Таниқли блогер-боксчи Жейк Пол ирландиялик Конор Макгрегорнинг навбатдаги жанжалига муносабат билдирди.

Икки вазнда собиқ UFC чемпиони Ватикандаги тадбирнинг бирида италиялик машҳур телебошловчи ва ди-жей Франческо Фаччинеттини дўппослаган эди.

"Конор кокаин таъсирида ўзини қўшиқчилар олдида шердек тутишни яхши кўради. Конор, сендан ўтиниб сўрайман, мени кўрганингда нимадир хайратланарли ҳунарингни кўрсат!", - дея "Твиттер"да Макгрегорга мурожаат қилган Пол.

Конор Макгрегор Фаччинеттининг ўғли шарафига ўтказилаётган кечада ҳеч қандай сабабсиз қўшиқчига ташланган ва унинг бурни ҳамда тишини синдирган.